Дел од општина Центар во текот на утрешниот ден ќе остане без вода за пиење, информираат денеска од Јавното претпријатие „Водовод и канализација“ – Скопје. Поради внатрешен дефект и барање од странка за затворање на вода на Кејот 13. Ноември, прекинато водоснабдување ќе имаат корисниците на потегот од хотелот „Холидеј ин“ до поштата, се вели во соопштението. Најавено е водоснабдувањето да биде прекинато од девет часот до санирање на дефектот.