ანჯელინა ჯოლიმ 50 წლის იუბილე იზეიმა. მედიის ცნობით, მან ეს დღე ოჯახურ წრეში, ექვსი შვილის გარემოცვაში აღნიშნა. „მას აღარ მოსწონს დიდი წვეულებები. ენჯი არ გაურბის დაბერებას, პირიქით, ის პოზიტიურად აღიქვამს ამ პროცესს. ბოლო რამდენიმე წელი მისთვის რთული იყო, ახლა კი თავს ყველაზე უფრო ბედნიერად გრძნობს“, – აცხადებს ინსაიდერი. ცნობისთვის, გასული წლის ბოლოს „ბრანჯელინამ“ 8 წლიან სასამართლო დავას წერტილი დაუსვა. თავდაუზოგავი ბრძოლის შემდეგ, ჯოლიმ სარჩელი, რომელშიც ბრედ პიტს ძალადობაში ადანაშაულებდა, რამდენიმე თვის წინ უკან გამოიტანა. ანჯელინამ ბრედი ძალადობაში პირველად 2022 წელს დაადანაშაულა.