Ibi bikubiye mu itanganzo “RDB” yashyize hanze kuri uyu gatatu tariki 30 Mata 2025 aho ikipe ya Atlético Madrid izajya imenyekanisha ubucyerarugendo bw’u Rwanda binyuze mu makipe yayo yose abagabo n’abagore.
Aya makipe azajya yambara “Visit Rwanda” mugihe cy’imyitozo ndetse n’igihe ikipe yishyushya igiye gukina bikazatangira mu mikino iyi kipe isigaje uyu mwaka ngo shampiyona irangire ndetse no mugikombe cy’isi cy’amakipe.
Umuyobozi Mukuru wa RDB, Jean-Guy Afrika yatangaje ko ubu bufatanye bugamije gukomeza kugira u Rwanda igicumbi cy’ishoramari rishingiye ku bukerarugendo, ashimangira ko Atlético de Madrid ari umufatanyabikorwa urubereye.
Ati “Ubu bufatanye budasanzwe na Atlético de Madrid bugaragaza intumbero y’u Rwanda yo kuba igicumbi cy’ishoramari, ubukerarugendo, no guteza imbere imikino. Indangagaciro zo kwigira, ikinyabupfura, no kuba indashyikirwa iyi Kipe isanganywe, bihuza cyane n’indangagaciro z’Igihugu cy’u Rwanda n’intambwe idasubira inyuma.”
Yakomeje agira ati “Binyuze muri ubu bufatanye, dufite intego yo kwerekana u Rwanda nk’ahantu heza ku bashoramari, ahantu habereye ubukerarugendo ku Isi, hamwe n’urubuga rwo kurera impano no kwagura amahirwe ku rubyiruko rwo muri Afurika binyuze muri siporo.”
Aya masezerano u Rwanda rwasinyanye na Atlético de Madrid azamara imyaka itatu kuko azageza tariki 28 Kamena 2028.
Aya kandi ari mu cyiciro cya “Premium” akubiyemo ko Atlético de Madrid izajya yamabara amagambo “Visit Rwanda” ndetse anagaragare muri Stade y’iyi Kipe ya Riyadh Air Metropolitano kimwe no ku zindi mbuga z’ikipe n’abafana hagacishwa ubutumwa bukangurira abantu gusura u Rwanda.
Uretse Atlético de Madrid, u Rwanda rusanzwe rufitanye amasezerano n’andi makipe atatu akomeye ku Mugabane w’i Burayi, aho rwatangiranye na Arsenal FC yo mu Bwongereza muri 2018, hakurikiraho Paris Saint-Germain yo mu Bufaransa muri 2019, mbere yo gusinyana n’ikigugu cyo mu Budage, FC Bayern München.
Related News
22 May, 2025
Disney+ will reportedly stream Women's C . . .
22 Apr, 2025
'Chahal ki baat ho rahi hai?' RJ Mahavas . . .
14 Feb, 2025
You can find love anywhere, even at the . . .
01 Jun, 2025
PBKS playing 11 from the last time they . . .
25 Apr, 2025
Western soccer scores late, beats Marsha . . .
12 Apr, 2025
UG-W vs NAM-W Dream11 Prediction: Fantas . . .
17 Mar, 2025
Latest News | Bajaj to Acquire Allianz's . . .
12 Mar, 2025
Budget: Will the GOP cut entitlements?