បរទេស៖ លោក Lee Jae-myung ដែលជាអ្នកសេរីនិយមដែលចង់បានសមភាពសេដ្ឋកិច្ច កាន់តែច្រើននៅក្នុងប្រទេសកូរ៉េខាងត្បូង និងទំនាក់ទំនងដ៏កក់ក្តៅជាមួយកូរ៉េខាងជើង បានក្លាយជាបេក្ខជនប្រធានាធិបតី របស់គណបក្សប្រឆាំងដ៏ធំរបស់កូរ៉េខាងត្បូង កាលពីថ្ងៃអាទិត្យ ដោយបានពង្រឹងតួនាទីរបស់លោក ជាអ្នកនាំមុខគេដើម្បីបន្តតំណែង ប្រធានាធិបតីអភិរក្សនិយមលោក Yoon Suk Yeol ដែលទើបត្រូវបានបណ្តេញចេញ។ យោងតាមសារព័ត៌មាន AP ចេញផ្សាយនៅថ្ងៃទី២៨ ខែមេសា ឆ្នាំ២០២៥ បានឱ្យដឹងថា អតីតប្រធានគណបក្សប្រជាធិបតេយ្យ បានដឹកនាំសភាដែលគ្រប់គ្រង ដោយគណបក្សប្រឆាំងចោទប្រកាន់លោក Yoon ជុំវិញការដាក់ច្បាប់អាជ្ញាសឹកកាលពីខែធ្នូ។ តុលាការធម្មនុញ្ញរបស់ប្រទេសនេះ បានបណ្តេញលោក Yoon ចេញពីតំណែងជាផ្លូវការ នៅដើមខែនេះ ដោយជំរុញឱ្យមានការបោះឆ្នោតជ្រើសរើស ប្រធានាធិបតីដំបូងនៅថ្ងៃទី ៣ ខែមិថុនា ដើម្បីស្វែងរកប្រធានាធិបតីថ្មី។ នៅក្នុងសេចក្តីប្រកាសតាមទូរទស្សន៍ជាតិ គណបក្សប្រជាធិបតេយ្យបានប្រកាសថា លោក Lee បានឈ្នះការតែងតាំងជាប្រធានាធិបតី របស់ខ្លួនជាមួយនឹងសំឡេងគាំទ្រជិត 90% ក្នុងអំឡុងពេលការបោះឆ្នោតបឋម ដែលបានបញ្ចប់កាលពីថ្ងៃអាទិត្យ ដោយបានយកឈ្នះគូប្រជែងចំនួនពីររូប។ លោក Lee បាននិយាយនៅក្នុងសន្ទរកថាជ័យជម្នះមួយថា “ឥឡូវនេះ ប្រជាជន និងសហការីបក្សរបស់យើង បានផ្តល់ឱកាសឱ្យខ្ញុំឈ្នះតំណែងប្រធានាធិបតី និងកសាងសាធារណរដ្ឋកូរ៉េថ្មីពិតប្រាកដ។ លោក Lee អាយុ ៦០ ឆ្នាំដែលបានបម្រើការជាអភិបាលខេត្ត Gyeonggi ដែលមានប្រជាជនច្រើនបំផុតរបស់ប្រទេសកូរ៉េខាងត្បូង និងជាអភិបាលក្រុង Seongnam ៕ ប្រែសម្រួលៈ ណៃ តុលា TAG:Lee Jae-myung