Back to news
Mbyllet gjithçka në San Siro/ Inter eleminon Barcelonën, siguron finalen e Champions
@Source: abcnews.al
Ndeshja e dytë gjysmëfinale mes Interit dhe Barcelonës ka dhuruar një përballje dramatike, që përfundoi me fitore 4-3 për Interin, pas një barazimi 3-3 në kohën e rregullt.
Ky rezultat i dërgon zikaltërit në finale të Ligës së Kampionëve, me një përballje të përcaktuar nga ndjenjat e fuqishme dhe golat dramatikë.
Interi e nisi ndeshjen me dominim, duke shënuar golin e parë në minutën e 21-të pas një kundërsulmi të shpejtë, ku Lautaro Martínez shënoi për 1-0 pas një asistimi të Denzel Dumfries.
Barcelona kërkoi penallti për një prekje të dyshimtë me dorë në zonë, por gjyqtari refuzoi kërkesën.
Më pas, Interi iu afrua golit të dytë me Henrikh Mkhitaryan dhe Hakan Calhanoglu, por pa mundur të shënojnë.
Në minutën e 42-të, një ndërhyrje e Pau Cubarsit ndaj Lautaro Martinezit solli një penallti që Calhanoglu e shndërroi në gol, duke e çuar rezultatin në 2-0.
Barcelona e nisi fuqishëm pjesën e dytë, duke shënuar golin e parë në minutën e 54-të me Eric Garcian, i cili goditi saktë brenda zonës pas një harkimi të saktë nga Gerard Martin, për 2-1.
Pasi Yann Sommer bëri një pritje të madhe për të ndalur një mundësi tjetër të Barcelonës, Interi e pati mundësinë për një gol tjetër, por ishte Barcelona që barazoi 2-2 në minutën e 57-të, me Dani Olmo që shënoi pas asistimit të Gerard Martin.
Në minutën e 68-të, gjyqtari akordoi një penallti për Barcelonën pas një ndërhyrje të Mkhitaryan ndaj Lamine Yamalin, por pas rishikimit të VAR, vendimi u anulua.
Barcelona vazhdoi të kërkojë golin, dhe në minutën e 88-të, Raphinha shënoi një gol pas dy tentativave, duke e çuar Barcelonën në epërsi 3-2.
Në minutat e fundit të kohës së rregullt, Interi lëshoi të gjitha forcat për të gjetur barazimin, dhe kjo i shpërbleu. Në minutën e 90+2, Francesco Acerbi shënoi një gol të bukur në zonë për 3-3, duke e çuar ndeshjen në vazhdime.
Fituesi u vendos në vazhdime. Në minutën e 99-të, Davide Frattesi shënoi golin vendimtar, duke e dërguar Interin në finale të Ligës së Kampionëve me fitore 4-3, pas një ndeshje që ofroi gjithçka.
Interi tani pret PSG-në apo Arsenalin, që do të luftojnë për një vend në finale të Ligës së Kampionëve. /express
Related News
21 Apr, 2025
CAB Refuses To Allow Harsha Bhogle And S . . .
22 Jun, 2025
Soccer coach admits drugging and raping . . .
19 Jun, 2025
US resumes visas for foreign students bu . . .
11 Mar, 2025
Queen Camilla's niece leaves job alongsi . . .
29 Jul, 2025
Meta revealed what makes a VR game perfe . . .
21 Mar, 2025
Two Irish players feature in Six Nations . . .
23 Jun, 2025
Multicultural Marketing Scores Big In Th . . .
21 Mar, 2025
Lawyers say some deported by ICE weren't . . .