Back to news
Parisi shkel mbi ëndrrën e Arsenalit dhe takohet me Interin në finalen e Ligës së Kampionëve
@Source: albeu.com
Paris Saint-Germain ka kaluar në finale, aty ku do të përballet me Interin, pasi eliminoi Arsenalin me rezultat të përgjithshëm 3-1 nga Liga e Kampionëve.
Topçinjtë e nisën shumë mirë ndeshjen, duke mos i lënë parisienët të bëjnë lojën e tyre.
Por, angazhimi i tyre i tepërt shkaktoi edhe lodhje te lojtarët e skuadrës londineze, me çka edhe pasoi goli i epërsisë së PSG-së.
Ishte Fabian Ruiz, ai që kaloi vendasit në epërsi me një goditje të fuqishme për të mposhtur David Rayana.
PSG vazhdoi më pas me dominim, duke mos i lënë shumë hapësira Arsenalit.
Me kaq edhe përfunduan 45 minutat e parë, ndërsa në pjesën e dytë kishte më shumë dramë.
Në minutën e 69-të, PSG fitoi një penallti, por nga 11 metra dështoi Vitinha, pasi Raya lexoi anën nga do të gjuante dhe priti gjuajtjen e tij.
Mirëpo, Achraf Hakimi dyfishoi epërsinë për PSG-në, me një asistim të Ousmane Dembele, për rezultatin 2-0.
Katër minuta më vonë, Arsenali u kundërpërgjigj me anë të Bukayo Sakas, që realizoi për 2-1, ndërsa rezultati i përgjithshëm u bë 3-1.
Saka mund të kishte barazuar rezultatin në 2-2, por që në minutën e 80-të dështoi të shënonte nga afërsia.
Kështu, PSG ia doli të ruante këtë epërsi prej dy golash, për të kaluar në finalen e Ligës së Kampionëve, aty ku do të përballet me Interin më 31 maj në Mynih.
Related News
19 Apr, 2025
BMI inflates overweight and obesity meas . . .
21 Aug, 2025
Exclusive: How Stephen Curry transformed . . .
06 Apr, 2025
Here's What Happened Today: Saturday
20 Jul, 2025
Charli XCX's wedding ring value 'REVEALE . . .
15 May, 2025
Inter Miami vs. San Jose Earthquakes liv . . .
12 Apr, 2025
PBKS vs SRH Dream11 Prediction: Fantasy . . .
20 Apr, 2025
Welsh rugby star now an estate agent at . . .
08 May, 2025
HIT 3 vs Retro Box Office Comparison 1st . . .