Back to news
ЛОНДОН ПОВИКА 50 ДЕНА ИНТЕНЗИВНО ДА СЕ ВООРУЖУВА УКРАИНА Да го донесеме Путин на преговарачката маса, повика британскиот министер за одбрана
@Source: plusinfo.mk
Британските власти денеска ги повикаа сојузниците на Украина да спроведат „50-дневна интензивна кампања за вооружување“ за да ја зајакнат воената поддршка за Украина и да ја охрабрат Москва да преговара за прекин на огнот, пред да истече ултиматумот на американскиот претседател Доналд Трамп до Русија.
Минатата недела, Трамп му даде на рускиот претседател Владимир Путин 50 дена да ја заврши војната во Украина. Америкаснкиот претседател се закани со остри санкции и најави масовно вооружување на Киев, со посредство на НАТО и со европско финансирање.
За време на состанокот на Контакт групата за одбрана на Украина, британскиот министер за одбрана Џон Хили го нарече тој ултиматум „момент на максимална можност“.
Контакт групата, чии копретседатели се Велика Британија и Германија, обединува околу 50 земји кои обезбедуваат воена помош на Украина.
– Ние, пак, треба да ја интензивираме нашата акција, со 50-дневна кампања за вооружување на Украина на бојното поле и да придонесеме кон тоа Путин да се доведе на преговарачката маса, рече Хили за време на онлајн состанокот.
Британскиот министер додаде дека Лондон и Берлин се согласиле да соработуваат во испораката на ракети за воздушна одбрана на Украина.
Германскиот министер за одбрана Борис Писториус изјави дека двете земји ќе обезбедат 200.000 парчиња муниција за тенкови „Гепард“ што ги користи украинската армија.
Related News
18 Mar, 2025
Heavyweight seven eye finish line in rac . . .
27 Mar, 2025
'Boxers Will Not Miss Anything At All': . . .
25 Apr, 2025
Claylor returns: Taylor Fritz surges thr . . .
26 Jul, 2025
Canadian Open 2025: Mackenzie McDonald v . . .
11 Apr, 2025
Freddie Flintoff shows off his fully hea . . .
17 Jul, 2025
Have Asiad 2026 selection plan in place . . .
17 Jun, 2025
Munster announce three fixtures in pre-s . . .
23 May, 2025
Modric to Leave Real Madrid after Club W . . .