Lideri i opozitës Sali Berisha ndodhet në Elbasan në një takim me fermët, ku njëkohësisht po prezanton dhe programin e tij në mbështetje të bujqësisë. Gjatë fjalës së tij, Berisha u shpreh se diaspora me votën e tyre historike do ta ndajnë vendin nga e keqja e madhe. Më tej, lideri tha se fondet nga BE për bujqësinë ishin 130 milionë euro dhe Rama me ‘suitën’ e tij i mori ato para dhe vetëm fermerëve nuk ua shpërndau. “Diaspora, ata votojnë për herë të parë dhe do t’i japin vendit mbështetje historike, do ta ndajnë vendin nga kjo e keqe e madhe. Subvencionet i kemi katër herë më të ulëta se Kosova. Kosova sot, Maqedonia, Serbia kanë një nga sistemet vaditëse më bashkëkohore, kurse Shqipëria noton në ujë dhe uji për fermerët nuk sigurohet. Ka një pabarazi shumë të madhe, ndërkohë shqiptarët janë shumë punëtor, toka është e klasit të parë por në treg nuk ia dalin. Kishin 130 milionë euro nga BE, Edi Rama me suitën e tij u vërsul mbi to sikur të ishin para pa zot dhe që cdo qindarka ishin për ju fermerë dhe ato vetëm fermerët nuk i morën, i morën Xhaëkat me burrat dhe fisin. Kur BE e diktoi, i ndërpreu menjëherë fondet.”, tha Berisha.