Back to news
މިނިވަން 60 ފާހަގަކުރަން ބަންގްލަދޭޝްގައި ދިވެހި ހައިކޮމިޝަނުން ހާއްސަ ރަސްމިއްޔާތެއް ބާއްވައިފި
@Source: mikalnews.com
ދިވެހިރާއްޖޭގެ މިނިވަންކަމަށް 60 އަހަރު ފުރުމުގެ މުނާސަބަތުގައި ބަންގްލަދޭޝްގައި ހުންނަ ދިވެހިރާއްޖޭގެ ހައިކޮމިޝަނުން އެގައުމުގެ ވެރިރަށް ޑާކާގައި ހާއްސަ ރަސްމިއްޔާތެއް ބާއްވައިފިއެވެ.
މި ރަސްމިއްޔާތުގެ ޝަރަފުވެރި މެހެމާނެއްގެ ގޮތުގައި ބަންގްލަދޭޝްގެ ވަގުތީ ސަރުކާރުގެ މިނިސްޓްރީ އޮފް ލޯ، ޖަސްޓިސް އެންޑް ޕާލަމެންޓްރީ އެފެއާޒް އަދި މިނިސްޓްރީ އޮފް އެކްސްޕެޓްރިއޭޓް ވެލްފެއަރ އެންޑް އޯވަސީސް އެމްޕްލޯއިމަންޓްގެ އެޑްވައިޒަރ ޑޮކްޓަރ އާސިފް ނަޒްރުލް ބައިވެރިވެވަޑައިގެންނެވިއެވެ.
ދިވެހިރާއްޖެއިން ބަންގްލަދޭޝްއަށް ކަނޑައަޅުއްވާފައި ހުންނަވާ ސަފީރު އަލްފާޟިލާ ޝިއުނީން ރަޝީދު ގެ ވާހަކަފުޅުގައި އެކަމަނާ ވަނީ ދިވެހިރާއްޖޭގެ ފަހުރުވެރި 60 ވަނަ މިނިވަން ދުވަހަކީ ރާއްޖޭގެ ތާރިހުގައި ފާހަގަކުރެވޭ މުހިންމު ދުވަހެއްކަމާއި މިނިވަން ގައުމެއްގެ ގޮތުގައި ދެމިއޮތުމަށް ކާބަފައިން ވެވަޑައިގެންނެވި މަތިވެރި ގުރުބާނީގެ އަގު ވަޒަންކުރައްވައި، ރާއްޖޭގެ މިނިވަން ދުވަހަކީ ސުލްހައާއި ޑިޕްލޮމަސީގެ ފުރިހަމަ ރަމްޒެއްކަން ފާހަގަކުރައްވާފައެވެ.
މިރަސްމިއްޔާތުގެ ޝަރަފުވެރި މެހެމާން، ޑޮކްޓަރ އާސިފް ނަޒްރުލް ދެއްކެވި ވާހަކަފުޅުގައި، މި މުހިންމު މުނާސަބަތުގައި ދިވެހި ރައްޔިތުންނަށާއި ސަރުކާރަށް ވަރަށް އިޚްލާޞްތެރިކަމާއެކު ތަހުނިޔާ ވިދާޅުވިއެވެ. އެމަނިކުފާނުގެ ވާހަކަފުޅުގައި، ދެޤައުމުގެ ދެމެދުގައި އޮތް ގާތްއެކުވެރިކަމާއި އެއްބާރުލުން ފާހަގަކުރައްވައި، ކުރިއަށް އޮތްތަނުގައި ދެޤައުމުގެ ގުޅުން އިތުރަށް ބަދަހިވެގެންދާނެކަމަށް އުއްމީދުކުރައްވާކަމުގައި ވިދާޅުވިއެވެ.
މި ރަސްމިއްޔާތުގައި ދެގައުމުގެ ސަގާފީ އެއްބައިވަންތަކަމާއި ރާއްޖޭގެ ޓުއަރިޒަމް ރަމްޒުކޮށްދޭ ރާއްޖެއާއި ބަންގްލަދޭޝްގެ ފަންނާނުން ހިމެނޭ ގޮތަށް ހަނދާނީ ލަވައެއްވަނީ ލޯންޗްކޮށްފައެވެ. ރާއްޖޭގެ ލަވަކިޔުންތެރިއެއްކަމަށްވާ މުހައްމަދު މައިސާން މުމްތާޒް (ބޮކިޓޯސް) އަދި ބަންގްލްދޭޝްގެ ލަވަކިޔުންތެރިއެއްކަމަށްވާ މެހްރީން މަހްމޫދު ކިޔާފައިވާ މިލަވައަކީ ރާއްޖޭގެ ފަހުރުވެރި 60 ވަނަ މިނިވަން ދުވަހާއި ގުޅިގެން ހައިކޮމިޝަންގެ ފަރާތުން ތައްޔާރުކޮށްފައިވާ ލަވައެކެވެ.
Related News
27 May, 2025
Telangana ends runners-up in Sri Sathya . . .
30 Jul, 2025
Sports News | Ayush Mhatre Set to Lead U . . .
06 Apr, 2025
IPL 2025, SRH vs GT Pitch Report: All yo . . .
05 Mar, 2025
Woman allegedly murdered on a quiet stre . . .
10 Jun, 2025
US Open 2025: All 156 Golfers Ranked by . . .
20 Apr, 2025
Patrick Horgan says Cork must improve fo . . .
08 Aug, 2025
Overnight closures coming on Trans-Canad . . .
05 Apr, 2025
Sports News | Nantes Records Rare Away W . . .