"Napoli" "Mançester Siti"nin futbolçusu Cek Qrilişi heyətinə qatmaq üçün hərəkətə keçib. Metbuat.az xəbər verir ki, "Napoli"nin məşqçisi Antonio Konte futbolçunun transfer edilməsi barədə təlimat verib. "The Sun"də dərc ediilən xəbərə görə, futbolçu özü də İtaliya klubuna transfer olmağa razılıq verib. Qeyd edək ki, Cek Qriliş cari mövsüm "Mançester Siti"nin heyətində 31 oyunda 3 qol və 5 məhsuldar ötürmə ilə çıxış edib. Futbolçu əsas heyətə düşməkdə çətinlik çəkib. Onun "Mançester Siti" ilə müqaviləsi 2027-ci ildə yekunlaşır.